رمضان شهر الصحة

هذا الفصل الدراسي كان عصيب بالنسبة لي وأثر على نظامي الغذائي كثير، فقررت أستفيد من شهر رمضان كفرصة للعودة لنظامي الصحي وتنطيف جسمي من السموم الي تجمعت من أكلي السيء.

شرايكم نبدأ تحدي بيننا ونشجع بعض؟

 في هذي الرمضانية بدل ماتسمن وتخرب جسمك، ليش ماتضعف وتغير من شكلك داخلياً وخارجياً؟ أدري الكل يحاول يبدأ الشهر الفضيل بروح صافية خالية من الذنوب بس ليش مانحاول بعد نطهر جسدنا من السموم؟
أنا ما أقولكم غيروا حياتكم للأبد وأقطعوا كل شي من نظامكم مرة وحدة! القصد نستفيد من شهر رمضان ونجرب نسوي بعض التغييرات البسيطة أو نبدل عاداتنا السيئة بعادات أفضل لمدة شهر فقط (30 يوم) ونشوف بعدين اذا عجبنا التغيير أو لا!  بس خل ندخل في تجربة لتحسسين نظامنا الغذائي مع بعض
التحدي حيكون سهل وممتع إن شاء الله للجميع. وبكرة من بدري بنزل موضوع شامل عن طرق ونصائح وبعض الخدع تساعدنا نكون صحيين ونبدأ رمضان صح 

هدفنا لهالشهر بيكون: أشعر أخف وزنا وأكثر إشراقا وسعادةً في نهاية الـ30 يوما

Leave a Reply

Your email address will not be published. Required fields are marked *