السلام عليكم ورحمة الله وبركاته
بدأ الدوام وبدأت الدراسة وطبعا مع دوام المدرسة أو الكلية الطويل أكييد راح نجوع ونحتاج أكل لنستعيد طاقتنا ونقدر نركز في الدراسة أكثر لكن للأسف أغلبية الخيارات الموجودة بالمقصف أو الكافتيريا تكون سيئة ومافيها أي فايدة لنا
فاليوم جبنا لكم وجبات خفيفة وبسيطة تقدرون تسوونها بالبيت وتاخذونها معاكم للدوام
ملاحظة بسيطة: جميع الصور من تصويرنا مو مجمعة من النت يعني كل الوجبات الي هنا حنا مجربينها وماخذينها معانا
 
من أسهل الأشياء الي ممكن تجهزونها بسرعة العصائر الجاهزة
حطوا أي نوع فاكهة تحبونه بالخلاط وبس خلصتوا
الفواكه أبد مايحتاج لها تجهيز مجرد تختارون الي تفضلونه
لاحظوا في الصور تنوع الفاكهة الي تقدرون تاخذونها .. أي شي تحبونه تقدرون تحطونه ، الخيارات كثيرة ومتنوعة
وأحيانا كثرة مايحتاج حتى تقطون الفواكه أو الخضار مثل الموز ، التفاح ، الخيار ، الجزر فخليها خيارات سريعة تاخذونها اذا ماكان عندكم وقت.
غير الفواكه والخضار عندكم المكسرات بأنواعها خيارات جيدة وتشبع جدا كسناك + التمر.
تقدرون تحضرون ساندويشات مثل البيض ، جبن ، أفوكادو كفطور أو ساندويشات دجاج كغداء
وطبعا ماننسى حبيبتنا السلطة طبق ملغم بالفوائد ومشبع
وأخيرا الزبادي من ألذ الوجبات بالنسبة لي أقدر آكله لحاله أو أضيف له أي نكهة مثل فواكه ، قرانولا ، عسل.
أي شي تحبونه تقدرون تضيفونه مع الزبادي
وأسهل شي ممكن تاخذونه معكم اليوم الثاني للدوام هو الباقي من عشا أمس ^.^
خصوصا اذا كان العشا شي أحبه فماأتعب نفسي أفكر وأجهز لشي آكله لليوم الي بعده
وايضا الفشار  جدا سهل , وكل اللي تحتاجينه فقط ظرف فشار وحطوه بالمايكرويف
ان شاءالله تكونون أستفدتوا من هالتدوينه ولو القليل وتساعدكم في تغيير نمط حياتكم للأفضل

One thought on “HEALTHY SNACKS”

Leave a Reply

Your email address will not be published. Required fields are marked *