مين منا مايبغى يسوي له مشروع ويصير عنده دخل ، بعد ماكان السبيل الوحيد لكسب المال هو العمل الروتيني صار الحين بيد الكل أنه يفتح له باب رزق جديد وبكل سهوله لكننا مانعرف الطريقه أو مانعرف كيف ! كل شي بيدكم تقدرون تستغلونه الآن ويدر عليكم مال. أجلسي مع نفسك وشوفي أيش تعرفي تسوي وسجليه ، وحاولي بكل شي تكتبينه أنك تطلعين منه مشروع حتى لو شي بسيط ، قبل فتره عرفت أن مترجمين الأفلام والدراما اللي نشوفها أون لاين يكسبوا من ترجمتهم بصفحات التحويل اللي ندخلها. تعرفي بالتصميم ، ممكن تصممي بطاقات عمل ، أي شي. إذا تحوسي بالنت كثير وتكتشفي أشياء مفيده وغريبه ، أعملي حساب بالسوشل ميديا وتكسبي فولورز كثير وتجيك إعلانات. أغلب مشاهير السوشل ميديا يستعملوا هذي الطريقه ، ممكن تستعملها أو تبتكر طريقه أخرى تتميز فيها اليوتيوب ، الانستقرام ، التويتر ، السوشل ميديا كلها ممكن تكون مصدر رزقك. أستغل الشي اللي بيدك. الطريقه هذي مو حرام وماهي عيب ، الحرام أننا مانستغل الأشياء اللي بيدنا لصالحنا. شي كويس أننا نفكر بدخل لنا بهذا السن وحنا لسا ماخلصنا دراستنا. العيب أننا نعتمد على أهلنا وحنا بهالعمر بمصاريفنا. حلو أننا نبدى نسعى للمليون الأول وحنا بهالعمر وعندنا الوقت والطاقه ممكن الشي اللي تستهين فيه الآن ، يستغله غيرك ويكسب من وراه مئات الآلآف بعد كم شهر. عن نفسي , إلى الآن أحاول بكل السبل أني أفكر بمصدر آخر للدخل لكن مو لاقيه الشي اللي أبدأه وأكمل فيه

Leave a Reply

Your email address will not be published. Required fields are marked *