رجعنا لكم بتدوينة رياضيه جديده
كلنا نبغى يكون جسمنا حلو لكن التمارين مرات تكون ممله او طويله
او نكون نحبها بس تجينا ايام نطفش فيها
البدايه بالتمرين صعبة الالتزام كيف لو كان تمرين صعب عليك وطويل ويطفشك
البرنامج اللي جبته لكم اليوم جدا ممتع
” CIZE “
برنامج رياضه لكن بالرقص
مين فينا مايحب الرقص !!
تمرين ممتع ومانحس بالوقت فيه , وحتى تعبه له لذه
لما نشوف الرقص الاجنبي يعجبنا ونبي نتعلمه , ليه مانسويه كتمرين يومي !!
وهذا هو برنامجنا اليوم
يمكن يستكشف قدرت احدكم بالرقص ومرونة جسدكم وتطورونها
واكييد مع مدربنا shun t البرنامج ماله اسبوعين من نزل بالاسواق
راح اشرح لكم اياه واعطيكم رابط تحميله
بالبداية معنى أسم البرنامج “نهاية التمرين” بالمعنى الحرفي
هم ماخذين آخر أربع حروف من كلمة exercize
معناها أن هذا البرنامج هو نهاية التمارين الصعبة المتعبة والمملة
راح تتمرن بدون ماتحس أنك مت عشان تضعف ، بتستمع وبتضعف بدون تمارين سكوات أو البوش اب الي أنا شخصيا ماأحبها وهالشي يخليني أتحمس أني أبدأ الفيديو وأتمرن
شوفوا إعلان البرنامج عشان تعرفون طبيعة البرنامج قبل مانبدأ
ملاحظة بسيطة من الفيديو تحسونهم يسرعون وبيصير صعب عليكم تطبقون الحركات بس لاتخافون حنا كنا نفكر كذا بس لما جربناه كان بسيط ويعلمكم كل حركة بشكل مفصل وتتدربون عليها ببطئ لما تعرفون كيف تسوون الحركة.
قبل ماتبدأون البرنامج أخذوا قياساتكم وصور حق المقارنة بين قبل وبعد
بعدين أبدأو بالفيديو الي أسمه crazy 8s اذا حسيتوا أن الحركات صعبة عليكم أبدأوو بجدول المبتدئين
طبعا أحلى مافي البرنامج أنك مو لازم تلتزمون بالجدول ١٠٠٪ مثلا فيديو crazy 8s حق أول أسبوع ، سويتوه ٤ أيام وبعدين حسيتوا أنكم ضبطتوا لحركات مرة زين أو مليتوا من الفيديو تقدرون تنتقلون للفيديو الي بعده بالجدول
نرجع حق الفيديو crazy 8s الي بالبداية الي جربه أول مرة ويحس أن الخطوات مره سهلة بالنسبة لمستواه يقدر يبدأ بالمستوى المتقدم على طول بدون مايسوي جدول المبتدئين
كل شخص يسوي الجدول الي يريحه
بالنسبة لنا حنا قررنا نبدأ من أول مستوى عشان نسوي كل الفيديوهات ونستمتع بالبرنامج على راحتنا 
عشان تستمتع بالبرنامج لاتتحطمون اذا ماعرفتوا تضبطون الحركات من أول مرة الإعادة هي سر النجاح
 كل يوم تعيدون فيه الفيديو راح تلاحظون تحسن في أدائكم عن اليوم الي قبله.
واذا ماعرفتوا تدمجون حركة الايدين مع الرجول في الحركة بالبداية ركزوا على أداء حركة الرجل فقط ولما تحسون بالثقة من أدائكم فيها تقدرون تضيفون اليدين بعدين.
فيه شي جديد ضايفينه بالبرنامج أنهم جايبين طريقة الرقصة من الخلف يعني مصورين ظهرهم وهم يأدوون التمرين ، والسبب ورا هالشي أن يقولون بعض الأشخاص يقدرون يستوعبون الحركات أكثر وأسرع.
ملف التحميل اللي جبناه لكم يحتوي على ملفات pdf للجدول الغذائي يومي
ويعلمك كيف تتصرفون بالويكند اذا طلعتوا وتستمتعون بالاكل بدون تأنيب ضمير
حنا صار لنا خمس أيام من بدأناه فنبغاكم تتحمسون وتبدأون البرنامج الحين هالوقت عشان نسويه مع بعض وبعد مانخلصه راح نكتب نتايجنا وانطباعنا عن البرنامج ككل بالمدونه.
تقدروا تشاركوا معنا وترسلوا نتايجكم لنا وننشرها على المدونة هنا بعد مانخلص الشهر ونص
يلا دلعناكم فرحونا بتعليقاتكم واي سؤال اسألونا.
وكتسهيل مننا لكم عشان تتحمسون وتبدأون البرنامج بدون حوسة وتعب جبنا لكم رابط التحميل من التورنت.
تقدروا تحملوه من هنا او من هنا وتبدأون البرنامج معنا

11 thoughts on “البرنامج الرياضي الجديد لـ شون تي CIZE”

    1. اسفه تو اشوفه حاليا. لكن تقدري ترسلي لي الايميل تبعك للقوقل درايف وراح اشارك التمارين معك

    1. للاسف اني مااقدر اطلع روابط تورنت الان
      لكن اذا لقيت رابط مباشر راح احطه بالتدوينه ان شاء الله

        1. اهلا وسهلا, الرابط قديم وشكله انحذف, حطيت رابط جديد بهذاالهاشتاق بالتوتير #متعة_الحياة_الصحيه
          عذرا لكن مااقدر احطه هنا, فشوفيه من هناك, حطيت رابط تورنت تحميل ورابط اون لاين

Leave a Reply

Your email address will not be published. Required fields are marked *