السلام عليكم ورحمة الله وبركاته 
تدوينه جديده بعد فتره طويله .. احساس اني داخله بيتي القديم ..
 
شوفوا عنوان التدوينه ..
دايم نشوف هالجمله بمواضيع ومحاضرات تطوير النفس 
شي جميل ان الشخص يكون نفسه , بأسلوبه , بشخصيته , باعتقاداته , ذلك يجعله شخص مميز شخص يشوف للاشياء من منظوره الشخص من زاويه مختلفه 
ابدا ماعندي اعتراض على هذا المفهوم 
لكن دايم يرتبط هذا المفهوم بعدم الاهتمام بمن حولك , برأي الاشخاص فيك 
هذا شي خطأ , لإنك جزء من المجتمع , والمجتمع اللي انت فيه يورثك عادات واعتقادات بدون ماتحس من وانت صغير
ماينفع لما تكبر تتمرد على المجتمع اللي انت فيه 
مهما حاولت تكون نفسك لابد هذي العادات والاعتقادات تأثر فيك بدون ماتحس 
مااقصد التمرد بأنك تترك الاشياء الابداعيه اللي تفكر فيها , واللي تطور مجتمعك . لا ابدا انت راح تكون ذاتك لكن بحدود 
لإنك جزء من المجتمع واللي تسويه راح يأثر على مجتمعك 
مثلا حنا مجتمع محافظ واسلامي , مو تجي عشان تكون نفسك تقول راح اخرج عريان !! 
عشان اكون مميز او انا مرتاح كذا , ماينفع تفكر بهالطريقه , انت راح تخرب سمعتك وسمعة اهلك ومحد راح يقدر يكون صاحبك بسبب فعلتك , انت مااستفدت شي كذا 
او اني اكتب التدوينه بطريقه مهمله ومبعثره لإن هذا اسلوبي , لكن انا كذا مااستفدت شي , وماحققت الهدف اللي فتحت المدونه من اجله , بأني افيد غيري 
لكن لما اكتب بأسلوبي واعبر عن رأيي بحريه فيها كذا اكون ذاتي 
 
لازم اذا جيت تفكر خارج الصندوق , تفكر مدى تقبل المجتمع لهالفكره , هل راح تنفعه بشي ! هل فيها مصلحه لي او اذيه 
انك تفكر خارج الصندوق وتكون ذاتك , مو يعني انك تتمرد عن مجتمعك , الفكره انك تشوف الشي العادي من منظورك الشخصي بشكل فريد ووتفكر فيه بطريقه محد فكر فيها من قبل , وتكون لك ارائك الخاصه بدون تأثر بأراء الاخرين  وشخصيتك الخاصه تكون لك معتقداتك الخاصه فيه , تطبقها وانت مقتنع فيها بدون تدخل من الاخرين ايضا 
 
انك تكون ذاتك مو يعني انك تسوي اللي تبغاه مهما كان بدون ماتهتم باللي حولك , هذا فقط اللي كنت ابغى اوصل له من هالتدوينه 
 
Be yourself ,Love yourself ,Never change 

Leave a Reply

Your email address will not be published. Required fields are marked *