السلام عليكم ورحمة الله وبركاته
كتابة موضوع بعد فتره طويله .. 
تدوينة اليوم عن موضوع من اول مافتحت المدونة ابي اتكلم فيه 
الكتب 
اكثر شي احبه وتربيت عليه من صغري
“الكتب الجيده تخلق افكارا جيده “
فمجتمعنا ارتبط الكتاب بالثقافه !! اي شخص يقرأ كتاب مثقف حتى لو هو يقرا كتاب هزلي !! 
الكتب ابدا ماتدل على ثقافة الشخص , لإن الشخص ممكن يقرأ كتب اقل مايقال عنها تافهه ومجرد ورق
وممكن يكون الشخص مثقف من الافلام 
على فكره * الافلام تعطيك معلومات متنوعه وكثيره بساعتين * 
مو كلهم طبعا , لكن الافلام بالاصل هي من كتاب 
ومثل مافي فلم سيء ماتستفيد منه شي , في كتاب سيء وماتستفيد منه شي 

 
كثير اشخاص يقولوا مايحبوا الكتب وقرائتها , يقولون مهما حاولنا مانقدر !!
 
حب الكتب والقراءة يبدأ من الصغر , اذا ماعودت طفلك انه يقرأ من الصغر اذا كبر ممكن يكبر عدم حبه لها 
بدل ماتكافئوا اطفالكم بشوكلت وشيبس كافئوهم بكتاب 
وحنا صغار كان بابا يكافئنا بمجلة ماجد بعد كل موعد اسنان وبكذا نتحمس نروح للموعد عشان نروح نشتريها 
ابدا لا تستخسروا الكتب والقصص على اطفالكم ماتعرفون قد ايش ممتعه قرائتها 
وعشان تحببوهم فيها ابدئوا بقرائتها لهم , اذا كانوا طفشانين , او وقت نومهم 
وقصه على قصه راح تكون عندهم مكتبه وبكذا يفتخروا بانجازهم عند الغير وتقدروا تكافئوهم بعدها بشي يحبونه
 
ثاني سبب , لإنك ماتختار الكتب اللي تشعرك بالمتعه , تسأل شخص ويعطيك اسم كتاب هو يفضله وبالاخير مايعجبك لإنه مايناسب طريقة تفكيرك او مايحسسك بالمتعه 
حاول تقرأ كذا كتاب بكذا مجال عشان تعرف المجال اللي انت تحبه وتستمتع فيه 
وابدأ بقرائت الكتب القصيره تكون ماتتعدى 150 صفحه عشان ماتحس بالملل
الكتب عالم كبببير , لا تحكم عليه بسبب كتاب فاشل 
مثلا انت تحب تقرأ عن تاريخ البلدان , لكن كتب التاريخ تمللك او طريقة سردها مايعجبك 
مو مشكله , تقدر تقرأ روايه عن تاريخ البلد , مثل بجعات بريه , تتكلم عن تاريخ الصين بطريقة روائيه 
او مثلا ذاكرة الجسد قصة حب ولكنها ايضا تتكلم عن تاريخ الجزائر 
بأمكانك تقرأ كذا تصنيف بكتاب واحد (تاريخي , رومنسي , خيالي ,تحليل شخصيات , ..الخ ) بكتاب واحد
مو مشكله ماتحب تقرأ , تقدر تسمع الكتب الصوتيه 
لما بديت اقرأ الكتب بدأت بروايات اجاثا كريستي 
لإنها اشبه روايات قصيره ,تنفع لمرحلةة الانتقال من قصص الاطفال الى الكتب 

“خصص من وقتك ساعات لقراءة كتاب تحبه , حتى لو اعدت الكتب النافعه , الاعاده احيانا انفع من قراءة الجديد , وتعلم ان تستمتع وانت تقرأ #اقرأ “
متى تقرأ !!
قبل النوم  , وقت الفراغ , وقت الانتظار , وانت تمشي , وممكن تستغربون لكني عن نفسي اقرأ لما اتروش 
لإني اخذ وقت طويل وانا اتروش , وبدل ماادخل جهازي معي واضيع وقتي على مواقع التواصل , ادخل الكتاب معي واقرأ 

 
هذي السنه وعدت نفسي اقرأ 30 كتاب 
وعشان التزم حددت لنفسي كتابين الى 3 كتب بالشهر 
راح اشاركم الكتب اللي قريتها واكتب رايي فيها بتدوينة اخرى
راح اضيف فيها كل شهر الكتب اللي اقراها 
وبما ان حنا حاليا بشهر 4 راح اضيف افضل الكتب اللي قريتها بالثلاث شهور الماضيه 



تقدروا تشوفوا تدوينة مريم وتقيمها لبعض الكتب 
كتب | أفضل خمسة كتب قرأتها وأنصح فيها
وشوفوا طريقة صناعة فواصل الكتب 

DIY | فواصل كُتب لطيفة وسهلة الصنع

قراءة ممتعه 🙂

 

Leave a Reply

Your email address will not be published. Required fields are marked *