السلام عليكم ورحمة الله وبركاته 
وقت المذاكره يصير كل شي حلو فكرة اكتب لكم موضوع خفيف , تصبيره لموضوعي المنتظر , انتظروه بحماس

كنت اعاني من مشكله , ابوي دايم يشتري الفواكه والخضار بكمية كبييره , مهما كانت المده اللي راح تجلس فيها بالنهايه تخترب , لإن مستحيل ناكل هالكميه من الاكل بمدة قياسيه قبل ماتخرب , وبعض الفواكه ماتصبر , يومين وبعدها تبدأ تخرب 
مااحب ارمي الاكل , وبنفس الوقت صعب علي اكل هذي الكميه كلها قبل تخرب , كنت احاول استعملهم بالسموذي والسناك والطبخ , ويبقى كثير ويخرب واضطر ارميه 

مره عن طريق الصدفه طرت لي فكرة التجميد , اعرف انها مو شي غريب , بس ماقد فكرت فيها 

صرت اجمد كل شي بلا استثناء من خضار وفواكه , لدرجة عندنا فريزر بس لتجميدهم
اول مايشتريهم ابوي , احط الكميه اللي نحتاجها منهم , والباقي اغسله واقطعه واجمده
ومعروف ان الفواكه والخضروات حتى لو ماخربت بالثلاجه تفقد فوائدها , التجميد فكره ممتازه يحتفظ بالفوائد ومضادات الاكسده لحين وقت استخدامها وتكون فريش
وغير كذا , يريحك كثير لما تحتاجينهم , بالطبخ او بالسموذي , كلها طلعيها واستعمليها 
كل الفواكه والخضار تقدري تجمديها بدون استثناء ” الذره والكوسه والافوكادو والبرتقال والتفاح و السبانخ والاناناس والفراوله وحتى الموز ,…الخ ”  
ومن الفوائد بعد انوا راح يوفر عليك انك ماتشتري فواكه مجمده من السوبرماركت , لان يكون فيها مواد حافظه 



تاخذوا الفواكه والخضروات وتغسلوها وتقطعوها على الشكل اللي تبغوه , وتحطوها بالعلبه او كيسة بلاستك وتحاولوا ماتعبوا كثير وماتخلوهم متلاصقين جدا ” لأن وقت استعمالها راح يكون صعب فكها ” وحطوها بالفريزر مثل ماانا صافتهم 

ومو بس الفواكه والخضروات , وتقدروا تجمدوا حتى الاكل اللي تطبخوه مو حابين تاكلونه بكرا او هذا الاسبوع بدل ماتحطونه بالثلاجه ويفقد من فوايده جمدوه واستعملوه متى ماتبغوا بس الافضل مايجلس اكثر من شهر 
عن نفسي اجمد الشوربه واخليها اكثر من 3 شهور ولما اسخنها واكلها تكون فريش وكأني تو طابختها 

وبس خلصت , موضوع خفيف وسريع اتمنى اني افدت حد يعاني مثلي , وشكرا 


Leave a Reply

Your email address will not be published. Required fields are marked *