السلام عليكم ورحمة الله وبركاته
بداية عام هجري سعيده على الجميع 🙂
كلنا نذنب , ابن أدم خطاء 
نتوب من الذنب ومرات نرجع نسويه , بس الله غفور رحيم
هدفنا نعمل لأخرتنا , بس الدنيا تغرينا

الاغلب وانا منهم , أفعل ذنب واتوب منه , وارجع اسويه وارجع اتوب , واوصل لمرحلة اليأس اني ماراح اتركه 
بس تعلمت شغله جميله 
[ مزاحمة السيئات بالحسنات ]


تعلمت منه اني افعل حسنات قد استطاعتي , مع الوقت راح اترك الذنب بدون مااحس 
اشياء بسيطه نسويها لها اجر عظيم 

الصدقه : ( الصدقة لتطفئ غضب الرب وتدفع ميتة السوء )
بداية يومك وبعد صلاة الفجر تصدق لو بريال , وخلها عاده بيومك 
والكل يعرف فضل الصدقه ” تدفع البلاء والامراض , وتزيد في رزقك , وتكون ظل لك في حر يوم القيامه “

قراءة القران : ﴿ ورتّل القرآن ترتيلاً  
كل يوم وبعد كل صلاه أقرأ لك وجه من القرأن , اذا طبقتها راح تختم القران مره كل شهرين وحتى اذا تأخرت راح تختمه مره كل 3 شهور 
متخيل الاجر العظيم اللي راح يكون لك  ( اقرؤا القرآن فإنه يأتي يوم القيامة شفيعًا لأصحابه‏ )
وانت بكذا ماتكون هاجر للقران 
وقبل ماتنام شغل سورة البقره , مافي احسن من انك نايم والقرأن يقرأ 

التسبيح والاستغفار :  ( لو بلغت ذنوبك عنان السماء ، ثم استغفرتني ؛ غفرت لك )
بكل وقت تقدر تسبح وتستغفر , وانت جالس على الجوال , تنتظر شي , قبل ماتنام  , بعد الصلاه وانت تمشي , مالكم عذر 
 استغفر 100 مره ,سبح 100 مره , ماراح تاخذ منك وقت 

الدعاء :﴿ وقال ربكم ادعوني استجب لكم  
بعد كل صلاه اترك لك دقيقتين تدعي فيها لنفسك وتشكر فيها نعم ربك 
اترك امور الدنيا , وادعي لنفسك للاخره 
ان ربي يحسن خاتمتك , ويعتق رقبتك من النار ويدخلك الجنه من غير حساب 
 ويغفر ذنوبك ويعفو عنك , وانه يشغل ووقتك بطاعته , ويرفع درجاتك بالدنيا والاخره
كثثير اشياء تدعي فيها لنفسك , دقيقتين لا تستخسرها على نفسك 

قيام الليل :﴿ وَالَّذِينَ يِبِيتُونَ لِرَبّهِمْ سُجَّداً وَقِيَـٰما  
الكل بالاجازات يسهر , وماينام الا بعد الفجر والصباح , ونقضي السهر باشياء تافهه 
خذ من وقتك 10 دقايق وصل فيها ركعتين 

لا تأخر صلاتك :﴿ إِنَّ ٱلصَّلَوٰةَ كَانَتْ عَلَى ٱلْمُؤْمِنِينَ كِتَـٰباً مَّوْقُوتاً  
  للاسف اننا نأخر صلاتنا عشان امور تافهه ماراح تطير اذا تركناها وقمنا صلينا 
* لا تصلي وكأن في حد يلحقك ! عشان تلحق على امور دنيا 

اماطة الاذى : ( اماطة الاذى عن الطريق صدقه ) 
 وحنا نمشي نشوف نعمه على الارض او وسخ , ومانشيلها نخاف على برستيجنا يخرب 
ابدا كشختك ماراح تخرب ولانظرتنا لك راح تتغير اذا شلتها واجرك عظيم
والوسخ اللي تسويه بعدك شيله معك واقرب زباله , ابدا ماراح يضرك 

اية الكرسي والمعوذات : اقروهم بداية يومكم , بعد كل صلاه وقبل النوم , تحفظكم وتكون لكون لكم حصن 

كثير اشياء بسيطه وماتاخذ وقت اجرها عظيم , لو بدينا نسويها راح تصير عاده 
كل هذي الاشياء اذا داومت عليها وفي يوم ماقدرت تسويها , الملائكه تكتب لك اجرها
تقدر تسويهم اي وقت , واذا كنت مشغول قبل ماتنام , بدل ماتجلس تطقطق على الجوال 
ابدا لا تخلي لك سيئه جاريه , سواءً كان مقطع او اغنيه او صوره 

زاحموا سيئاتكم بالطاعات , وفي حفظ الرحمن 

Twitter  – Ask

One thought on “زاحم السيئات بالحسنات”

Leave a Reply

Your email address will not be published. Required fields are marked *